hausaradio/BBCHausaTV 2019-08-28

Full 10 minute version on BBCHausa.com

1. Yau ta kasance wata rana mai ɗaukar hankali a siyasar Burtaniya. An amince za'a rufe majalisan dokoki tsawon makwanni yayin da wa'adin ficewar ƙasar daga ƙungiyar EU ke ƙara matsowa. Bayan zaman da za su yi a farkon watan gobe, majalisar ba za ta sake zama ba har sai ranar sha huɗu ga watan Oktoba. Wato makonni biyu kafin wa'adin. Ga rahoton Buhari Muhammad Fagge:
   
   Haka dai majalisar dokoki za ta kasance a kusan tsawon makwanni biyar a cikin Satumba zuwa Oktoba, yayin da wa'adin ficewar ƙasar daga ƙungiyar EU ya ƙarato. 'Yan majalisa ba za su zauna a zauran majalisar ba. An dakatar da ita. Yau sarauniyar Burtaniya Elizabeth ta amince da shirin firam minista Boris Johnson na rufe zaman majalisar na yanzu.
   
   Related links
   1. @BBCHausa Tweet
   2. BBCHausa Article
   3. BBC English Article